هو ده اللى بيحصل فى اغلب الناس

بصراحه بقى ومن غير رتوش للكلام الموضوع ده بيحصل كتير بس انت مش واخد بالك انك كنت يوم كيس لب او سودانى وان انك فى يوم كنت بتأكل اللب والسودانى دول

اكيد الدنيا عندك اتلخبطت طيب واحده واحده كده عشان نعرف اصل كيس السودانى ده جيه منين فى ناس كتير دلوقتى بتحب تتسلى الناس بتوع زمان كانوا يشتروا كده كام كيلو لب وسودانى ويتسلوا لكن دلوقتى الموضه اختلفت تلاقى البنات و الشباب بيستلوا بايه

الواحد من الشباب يجي يقول لصاحبه المزه دى حلوه وانا عايزه اوقعها ويروح قدامها كده ويفرد شعره بجيل زيه زى معظم الشباب الموجود دلوقتى ويروح يستخف دمه قدامها قال يعنى الواد رشدى اباظه تروح ستنا ناديه لطفى دايبه فى كلام الواد الحليوه وتصدقه ويفضل هو رايح جاى على حس كيس السودانى ده قصدى البنت يعنى لحد ما يخلص تسلى وكل الحكايه اللى بيتكلفها ان لما بنأكل السودانى بنخلى المكان كله قشر لكن الولد لما بيخلص من البنت بتكلفه انه تفضل تزن شويه وتكلم ده وده عشان يا حرام يرجعلها وتفضل تتحايل على توتو وميمي صاحبه عشان يكلموه وهو يقولهم دى بنت خنيقه قال فاكره انى هتجوزها

وعشان الصحوبيه تقوم تصعب على واحد من اصحابه فيبتدى هو يشاغلها يعنى مالوش نفس يتسلى طيب اللى بيأكل السودانى ده لازم يفكر انه ممكن يجى يوم يكون هو نفسه سودانى ماهو الشباب مش بس اللى بيعرفوا يتسلوا ده البنات كمان
والسودانى الغلبان ده مش حاسس بنفسه انه بيتلعب بيه ولا هو بيحب انه يكون كده دوره فى الحياه اسعاد الاخرين يا عينى وقال ايه بيحبها

الموضوع ده موجود ويمكن يكون فى اختلاف فى وجهات النظر لكن المهم ان محدش يزعل ولا السودانى انا بحبه والله ههههههههههه
والسؤال دلوقتى لو انت فكرت تتسلى ممكن تتسلى ببنى ادم وبمشاعره
حصل فى يوم وطلعت انت كيس سودانى وحد اتسلى بمشاعرك شويه