قبل ما تدور على جوليت اتعلم الاول ازاى تبقى روميو

قبل ما تدور علي جوليت... اتعلم ازاي تبقي روميو الاول..مش كده ولا ايه ؟

الاول خليني اسالك سؤال؟ نفسك تبقي روميو ولا لا؟

في الاول الزمن ده وزي ما بيقولو مقطع السمكه وديلها لا وكمان خياشمها!

اكيد نفسك طبعا؟يبقي صحصح معايا شويه لان المعايير اختلفت والحب دلوقتي غير الحب الي كان من عشره خمستاشر سنه
دلوقتي الحب بقي حاجه تانيه خالص غير زمان تقدر تقول ان الحب بتاع زمان كان متسبك دلوقتي بقي دايت علي الاخر...!
لانه بالتأكيد لو بعت جواب رومانسي هتبقي مصدر سخريه لصديقات حبيبتك واتهامك بانك عاشق من القرون الوسطي
مش بعيد يبعتولك الرد مع الحمام الزاجل وبيني وبينك عندهم حق لان روميو دلوقتي اختلف خالص عن روميو بتاع زمان
دلوقتي بقي مطلوب روميو الروش الطحن الجنان مش روميو الحالم بتاع الرومانسي بتاع روتانــــا زمـــــــــــــــاااااان ؟
المطلوب دلوقتي روميو الجرئ الي بيجيب من الاخر والي يعرف بحرفنه يعبر. . . عن شعوره ودوافعه ومتطلباتـــه؟
مش عايزين روميو الهادئ الحالم الي يفضل يتكلم عن القمر والنجوم والعشق والهوي بطريقه تخلي حبيبته مصره على ان تكتب فيه بلاغا بدعوه التخلف الرومانسي

واياك ياصحبي تكون شخصيه مسالمه بجد هتزعلني لازم تبقي ديكتاتور صدقني بيموتوا في الي يسيطر عليهم ومترجعش في كلمتك ابدا ولو صرخت وقالتلك حنفي اضربها علي وشها وقول مفيش حنفي في سي السيد

عايزك تنفذ كلامي وتعيش حياتك ولو جاب معاك نتيجه معاك امانه ياشيخ
عايزك تدعيلي

انا لقيت الموضوع ده و لفت نظرى فقلت اجيبوا هنا واعرف رأيكوا فيه

لا بصراحة يا الاء ..مش معاكى فى الموضوع ده

هو صحيح المعايير اختلفت من زمان عن دلوقتى .. بس مش كده

اكيد شغل السيطرة ده مش ينفع خالص..ومش بيمشى مع كل الناس

يعنى انا عن نفسى بكره النظام ده اوى .. يعنى مش بحب حد يتحكم فيا او يمشى كلامه عليا

ولازم علشان اعمل اى حاجه ابقى مقتنعة بيها الاول ..وطبعا لو اى حد اقنعنى براية اكيد باخد بيه..وبحترم صاحب الرأى

ده اكيد
..بس المهم اقنع .. وفى ناس شخصيتها عكس شخصيتى دى وبتحب نظام

السيطرة ده .. هى بتختلف من واحد للتانى مش اكتر

وبعدين فى كل زمن وفى كل مكان هتلاقى ناس رومانسية .. لان الرومانسية مش ليها وقت ومش ممكن يبقى فى

ناس عايشة من غيرها .. بس هيا بتبقى بنسب مختلفة عند الناس مش اكتر.. وبعدين زمن الديكتاتورية ده انتهى من

زمان..وبقى كل فرد فى المجتمع ليه استقلاليته ورأيه الخاص بيه وبقت طريقة المناقشة والحوار هى الى تكسب

مش عارفة بصراحة .. بس ده رايى ..ودى وجهة نظرى .. وياريت تتقبليها.. ولو حد شايف انى غلط ممكن يقولى وجهة

نظره

وبجد موضوع حلو اوى

تحياتى

على فكره انا مقلتش انى مع رأى اللى كاتب الموضوع ده

بالعكس انا اول ما قريته نرفزنى اصلا

اكيد انا برده مش بحب حد يسيطر عليا و لا فى اى حد كده اصلا
بس اللى نرفزنى اكتر انه بيقول ان البنت دلوقتى فيما معناه بتحب الولد اللى مقطع السمكة و ديلها و الروش و كده
و مهما كانت المعايير اختلفت و الزمن مر و عدى الحب هيفضل هو هو الحب و الرومانسية هتفضل هى هى
و محدش يقدر يغير كلمة بحبك مع وردة حمرا دى احسن من اى حاجة ممكن يقولها الولد الروش الكول
مهما عمل و مهما سوى برده مش هقتنع باللى يقوله

انتوا ايه رأيكوا يا شباااااب ؟؟؟

انا رأيى ان ممكن فى حاجات كتير بتطور زى التكنولوجيا والحياة بتبقى اسرع ...... بس مهما اختلف الزمن بيبقى الحب هو هو حتى تلاقى ولاد كتير لما يحبوا يعبروا عن حبهم يكتبوا جواب .... زى زمان هتلاقيهم لما يحبوا يعبروا عن حبهم غصب عنهم بيعملوا حاجات زى زمان والبنت اللى تخب الحاجات اللى قال عليها الكاتب ده تبقى تافه زى الواد تمام بس انا رأيى ان قليل اوى من البنات اللى بيحبوا الروشنة والحاجات ده وكتير اوى العكس اللى بيهتموا بالشخصية المحترمة و كده بس هو ده رأيى يا رب تكون وصلت الفكرة وشكرااا يا الاء انك نقلتلنا وجهه نظر الكاتب Wink

شكرا ليك انت انك رديت على الموضوع Smile

و مستنية باقى الردود

هو اولا : انا شايف اننا منقدرش نقول ان الحب بقي زي ما هو بالظبط .... وانه متغيرش وهيفضل طول عمره واحد ... ممكن

يكون معني الحب لازم يكون واحد لانه مينفعش يتغير ... لكن اكيد التغيير هيجي في طريقة التعبير عنه .. دا عشان اكيد ريتم العصر اللي اختلف ... واسلوب الحياه اللي اتغير تغيير كامل ... دا طبيعي وضروري

لكن طول ما معني الحب دا ثابت .. يبقي في تعبيرات ومشاعر لابد منها في اي زمن ... بس كل واحد بيختار الطريقه اللي تناسبه في التعبير عن الحب حسب شخصية وتفكيره ... في اللي يحب الاسلوب التقليدي وكلمات الحب وغيرها .... وفي اللي يحب يثبت اولا انه قد المسؤليه علي اكمل وجه للي قدامه ... عشان دا يكون دافع للأعجاب وطريقه عشان يكون موضع ثقه

واكيد كل شخصية بيكون ليها محبيها ومؤيديها ... بس انا شايف ان حكايه ان النوع دا من الشباب منتشر دلوقتي ... هو مش منتشر هو بس ظاااهر اوي .. وواضح في المجتمع من تصرفاته ... لكن الحب بمعناه الجميل والمعروف .. موجود .. ولكن جماله في انه يكون مش ظاهر ... عشان يدي فرصه للمشاعر تكون حقيقه وصادقه
وفي دور كبير جدا بتلعبه الافلام اللي بنشوفها كل دقيقه ... اللي بيطلع فيها البطل مش في دماغه الحب ولا حاجه (والعكس صحيح) وتشاء الظروف والاقدار ان في نص الفيلم او اخره ... يحس بحب مستحيل كان يتوقعه .. والسبب انه كان شاب كوول ومطرقع وبيعرف يتصرف .. سبحان الله بقي ... دا طبعا لازم يخلي الشباب تقول وليه مبقاش انا دا ... (وليه متبقاش انت زي مانت واحسن .. مش عارف)
واكيد كل واحد بيدور علي الحدد اللي يفهمه فعلا ويعرف يتعامل مع شخصيته زي ما هيه ... لان بعد كل اللف والدوران دا .. الولد او البنت بيدوروا علي الحد المحترم وموضع الثقه .. مش بتاع المناظر

اولا كويس الموضوع ونشكر الاء عليه
ثانيا : ممكن يكون الزمن اتغير .. بس الحب مش بيتغير اللى انا اعرفه انى الحب حب واللى بيحب حد اكيد مش هيتريْ عليه دى وجهت نظر