هل اعتذرت يوما؟؟؟؟؟

السلام عليكم ورحمة الله وبركاته

هل اعتذرت يوما؟!

من منا لم يخطأ يوما في حق الآخرين؟

من منا لم يشعر يوما بفداحة أخطاءه

ولكن هل فكرنا يوما أن نترجَم هذا الشعور لواقعٍ ملموس

اعترافٌ بالخطأ ومن ثم اعتذار

من علّمنا أن الاعتذار ضعفٌ وإهانةٌ ومنقصة ؟؟

من علّمنا أن نقتل بداخلنا هذه الصفة النبيلة ؟؟

من علّمنا أن في الاعتذار جرحٌ للكرامة والكبرياء ؟؟

ألهذه الدرجة يكون الغرور والتعالي ؟

إن الاعتذار من أنبل الصفات الانسانية وهو دليل نقاء القلب وصفاء النفس وحلاوة الروح

وهو جواز المرور لمشاعر أفضل بين القلوب المتحابة لأن أثمن مافي الحياة هو القدرة على ملامسة قلوب من نحب

وحبذا لو كان الإعتذار صادقا معبّرا فعلا عن الإحساس الحقيقي بالخطأ والندم عليه

وليتنا نكن متسامحين مع أنفسنا ابتداءً ومع الآخرين انتهاءً

عندها لن نجد في عالمنا هذا ذرةٌ من خلاف

قد أخطئ أنا أو تخطئ أنت

وقد نتقاسم الأخطاء
_________________

الموضوع جامد
الاعتذار مش بيدل على ضعف او اهانة بالعكس بيبقى شعور احسن كتير لما الواحد يعترف بخطؤه و يعتذر بعدها

الاعتذار عمره مكان نتيجه لضعف أو اتكسار أو خضوع .... لان الانسان لما بيحس انه ضعيف او منكسر ... عمره ما بيعتذر ... ولكن طبيعته بتخليه دايما يرفض الضعف دا وعمره ما يستسلم لانكسار

عشان كدا الاعتذار دليل واضح علي عدم وجود اي ضعف او ذل ... ولكن بالعكس .. دا بيدل علي صفه جميله ... وشعور رائع ... ورغبة في تصحيح خطأ حصل بأي طريقه كانت ... ودايما بيدل علي ان المعتذر دا جواه انسان جميل ... بيحاول دايما يبقي احسن ... وبيحاول يمحي اي اخطاء وقع فيها ... عشان يمشي في طريقة للأفضل مش للأسوأ

لكن من الواضح ان مفهوم الاعتذار انتشر عنه المفهوم الخطأ ... انه دليل ضعف .... واعتقد ان الناس كلها مقتنعه تمام ان الاعتذار شئ جميل وكويس ... ولكن اغلبيه الناس (يمكن) بتخاف تعتذر عشان بتفتكر ان اللي قدامها هيفهما غلط ....ويفتكر ان الشخص اللي قدامه زي المثل السيئ اللي موجود .... ودا ممكن يكون سبب خلى الموضوع دا يقل

وكمان ياما سمعنا عن الناس زمان .... اللي كتير منهم اعتبروا الاعتذار لا يتماشي مع عزة النفس والانفه (دا كلام المنهج) ... لكن كلام المنهج كمان بيقول ان دا كان في الجاهليه ... فأكيد مش دول الناس ابدا اللي المفروض نقلدهم في مجتمعنا ! وموضوع مهم جدا وفوق الرائع .... مشكورة جزيل الشكر يالهوى

معتقدش ان فى واحد فينا عمره ما اعتذر لحاجه حتى لو مش هو السبب بس بيعتذر لانه بيحب اللى بيعتذرله ومش عاوز يخسره ابداااا فالصداقة والحب مفيش حاجه اسمها مفيش اعتذار على الغلط والا مش هتكون للصداقة معنى وشكرااااا على الموضوع المهم اوى ده

لازم الواحد يعتزر مش لازم لى صاحب ممكن لى ام ممن لى اخ ممكن لى اخت ...

بس انا اعرف ناس لو زعلت صاحبها ممكن ما تعزرلهوش .... وفى ناس كده كتيره

ومع ذلك الناس دى عرفه انها غلطانه ...

الاعتذار يدل على قوة الشخصية

وعدم الخوف من الاخرين

واحيانا الى بيعتذر ميكونش عايز يكبر المشكلة حتى لو مكنش غلطان

بس عن نفسى لو مش غلطان مش هعتذر ولو بال طبل البلدى

شكرا ليكى موضوع بجد هايل