اعرفى عريسك بدرى بدرى من طريقة أكله ؟؟؟؟؟؟؟؟

ااعرفى عريسك بدرى بدرى.....من طريقة أكله.....؟؟؟؟؟؟؟؟؟؟ اذاكان عادى يعنى لابياكل بسرعة ولا ببطءولا دايماشبعان ولا مفجوع على طول يبقى شخص معتدل فى عواطفه وقراراته ويبقى ده اخر الرجال المحترمين كلبشى....واستعجلى الزفاف والحياةهتبقى بمبى flower

واذا كان بيحب الأكل زى عنيه وأول ما يدخل من الباب وقبل ما يقول لك ازيك يقو ل ريحة التقلية تجنن ياروحى انتو عاملين ملوخيةعلى أرانب ؟؟؟؟؟؟؟؟؟ أموت أنا....ويقعد ياكل ويحشر لحد ما يغمى عليه يبقى انسان طفس وهوائى وطايش واوعى تتجوزيه احسن ياكلك وانتى نايمة affraid

امااذاكان مش مهتم بالمرة لا يقول ده حلو ولا مالح ولا مستوى ولا لسه نى ولا بيعلق أى تعليق وعمره ما يقولك جعان او شبعان يبقىانسان مالوش لزمه وزى قلته انصحكبدل ما تتجوزيه اتبنيه وها تعيشى انتى الراجل والست ف وقت واحد واعملى حسابك هاتركبى وتدلدلى رجليكى Basketball

اما اذاكان بياكل زى ما يكون حد بيجرى ورااااه وساعة الاكل بيجيله حالة صرع معوى ويقوممن ع الاكل قبل اى حد تانى يبقى متسرع ومتهور فى اتخاذ قراراته وممكن بعد الجواز يكتشف انك مش ملهمته ومش فتاة احلامه ومش حلمه ويروح مطلقك بالتلاته اخلعى بدرى بدرى احسن لكرامتك Mad

اما اذا كان بياكل على مهله ويمزمز ف كل صنف لوحده ويسال عن كل صنف ايه مقاديرة ومعمول ازاى ويقعد يستطعم ف الاكل من العصر للمغرب حاسبى منه ده النوع اللى له مخ وبيوزن الامور بطريقة تفقع المرارة ولو فى يوم طلبتى منه يقولك كلمة حلوة هيقولك مش عامل حسابىويقعد يفكر 3 سنين وبعدين يقول لك بحبك ويقعد يشوف وقعها عليكى ايه؟ نظام شلل رعاش بدرى بدرى اخلعى يا اختى

اما اذا كان بيقعد يقطع ف الاكل زى ما يكون ف خناقة ويخبط ف الطبق من الغل ويقطع حتة اللحمة زى ما يكون بيدبحها ويتفتف ويتكلم طول ما هو بياكل لما يغرق وشك اكل ده شخص عصبى جدااااااااا ومع اول خناقة ها يروح مناولك بالكرسى ف راسك او بالسكينه ف عينك يعمل لك عاهة مستديمة وبعدين يهدى ويقول لك معلش ياروحى هى جت فيكى ما عاليش بره وخد الباب ف ايدك اما اذا كان دايما قرفان دايما مش عاجبه العجب ولا الصيام ف رجب يع الملوخية تقيلة ياى السمنه كتيرة على وش الشوربه يا ساتر دا محشى ولا صوابع مووووز اوووووف الرز محصويل يامه المكرونه معجنه اذا كان كده اتوكلى على الله وهاتى احمى ساطووووووور عندك وانا اعرف لك واحد محامى شاطر ها يطلعك منها زى الشعرة م العجين cheers