من اسوا الحاجات فى الحياة يا ترى ايه؟؟؟؟؟؟؟

تحب ومتتحبش.
2-
تحزن لدرجه ان عنيك تدمع لوحدها من كتر الحزن.
3-
بعد عمل يوم شاق تلاقى الميه قاطعه.
4-
تستقبل جوابا تنتظره من فتره ويطلع فيه خبر وحش
.
5-
تدخل السرير فى عز البرد و تنام فى الدفا على صوت المطر وبابا يقولك انزل هات حاجه من الشارع.
6-
تلاقى الجاكيت اللى كان نفسك تجيبه اتباع من المحلات كلها
7-
تشرب كاكاو ساخن وانت بردان وتلاقى فى المج
صرصاااااااار.
8-
تملأ البانيو وتحط فيه صابون وتنط تتزحلق وتتخبط ومتعرفش تستحمى لمده اسبوع .
9-
حد يقولك قد ايه انت رزل وتبت ودمك تقيل.
10-
تقعد تحكى وتتكلم مع صديق وهو مش عايز يسمعك.
11-
تصحى الصبح بدرى عشان تروح الشغل تبص فى الساعه تلاقى ان متأخر ساعه .
12-
تحط ايدك فى جيب الجاكيت اللى بقالك سنه ملبستوش وتلاقى فيه بريزه.
13-
تسمع اول كلمه حب فى حياتك من حد انت مبتحبوش.
14-
تجيب الكلب أو القطه اللى كان نفسك فيهم وبابا يهزقك ويرميه فى الشارع
15-
تحلم حلم جميل وحد يصحيك فى نصه.
16-
تتمرجح على المرجيحه اللى بتحبها وتتكسر وانت بتتمرجح.
17-
تدخل فيلم رومانسى مع حبيبك ويطلع الفيلم ساقط.
18-
تجيب لصاحبك او حبيبك هديه ويقولك "ايه اللى انت جايبه ده ؟؟؟"
19-
تكسب فى مسابقه ويدوك الجايزه ورده او جنيه خشب.
20-
تدخل المطبخ وتعمل الاكله اللى أنت بتحبها بنفسكوتنساها وتتحرق او تطلع متتذاقش.
21-
تمسك ايد حبيبك تقولك شيل ايدك بدل ما اقطعهالك.
22-
تلاقى حد يحزنك وانت الفرحه ماليه قلبك.
24-
تقعد على البحر وقت الشروق تيجى موجه تغرقك.
25-
متلاقيش حد يطبطب على ظهرك وانت متضايق.
26-
تجرى تجيب حاجه ساقعة من السوبر ماركت الوحيد اللى فاتح فى عز الحر ويقولك" والله لسه العربيه جايبه الصناديق دلوقتى ؟؟؟".
27-
تلاقى حد ينظر لك نظره احتقار عمرك ما كنت تتمناها.
28-
كل الناس تقسو عليك فى الوقت اللى انت محتاج فيه حنيه.
29-
تشرب حاجه سخنه وانت واقف تحت المطر ييجى واحد بيجرى من المطر يخبطك يوقعها.
30-
تاخد راحه وتتمشى فى الجنينه وسط الخضره تلاقى الجناينى لسه راشش الجنينه والكوتشى يبقى لونه اسود.
31-
حد يعملك مفاجاه رخمه وتكون انت مبتحبوش اصلا.
32-
تصحى من النوم كل يوم الصبح تبتسم وتشكر ربنا على يوم ثانى جميل هتعيشه والتليفون يرن تعالى حالا المدير قالب الدنيا عليك وعايزك.
وشكلك هتترفد
with my best wishes
moaa

تسمع اول كلمه حب فى حياتك من حد انت مبتحبوش.

تلاقى حد ينظر لك نظره احتقار عمرك ما كنت تتمناها

مواقف حياتيه بتحصل اه ... بس تكره الواحد في نفسه .... والاتنين اللي فوق دول .... اللي بجد حاجه صعبه

حلو اوى يا اسماء جميل الموضوع

اصعب حاجه انك تحب و متتحبش و ان عينك تدمع لو حدها من كتر الحزن

تحط ايدك فى جيب الجاكيت اللى بقالك سنه ملبستوش وتلاقى فيه بريزه.والله دى حاجه بتفرحنى ااووى..بس البريزه انقرضت دلوقتى؟؟
من اصعب لحجات.
تحب ومتتحبش
تلاقى حد ينظر لك نظره احتقار عمرك ما كنت تتمناها.
كل الناس تقسو عليك فى الوقت اللى انت محتاج فيه حنيه

white_rose كتب:: اصعب حاجه انك تحب و متتحبش و ان عينك تدمع لو حدها من كتر الحزن

انا رايى من رايك و كمان تحزن و عنيك تدمع من كتر الحزن

تحب ومتتحبش.
تسمع اول كلمه حب فى حياتك من حد انت مبتحبوش
اعتقد دى من اشوا الحاجات اللى ممكن تقابلنا.

البريزة منقردتش ولا حاجه لسه عايشة بس شكلك ملكيش تقل على الميكروباصات لو بتركبيها هتعرفى ان فى حاجه اسمها شلن صغيرة مكتوبة عليها 5 قرش ومعاكى حق يا اسماء اشوا حاجه زى ما قلتى ده حاجه شيئة خالص يا ستى