اية بتقول اية ؟؟ وانا مالى يا عم كل واحد حر فى تصرفاته و سلوكه ...

بصوا بقى .... انا زهقت فعلا واكيد انتوا كمان
ومبحبش ال بيقول وانا مالى ما كل واحد حر
وكلمة يعنى هنعلم اية هنغير الكون
وقتها نقوله اة نغير الكون وابوه كمان
حد قدنا !! دة احنا الشباب يعنى عواميد المستقبل و خرسانة البلد
ولا انتوا شايفين اية ؟؟؟؟؟؟؟؟؟؟؟؟؟؟؟؟؟؟؟

الاول عشان مش تتوهوا منى وتناموا موضوعى عن الشارع المصرى وال بيدور فيه من سلوكيات وتصرفات غير حضارية وغير اخلاقية

طبعا كل واحد وواحدة عارفين اية ال بيحصل فى الشارع المصرى بالذات وال اتعدت منه بقية الشوارع فى الدول العربية وبقوا بيعملوا حاجات مشابهة ليه ,,,,, وخصوصا البنات وال بيحصلهم وال بيسمعوه فى الشوارع من كذا وكذا وكذا " طبعا كلنا فاهمين "

بالحق ! نسيت ! دة مش موضوع قراءة وبس دة موضوع مشاركة رأى عام
يعنى انا هقول شوية حاجات وانتوا بقى هتردوا وتوصفوا ال بيحصل
و نحاول ايدى فى ايدكم نصلح على الاقل حاجة على قدنا يعنى حوالى 0,000001 %
اهو يعنى حاجة كدة على ما قسم
او نواية تسند الزير ههههههههههههههههههههههههههههههه

لا طبعا باذن الله نقدر نصلح المجتمع او على الاقل افكارنا وافكار ال جاى من بعدنا
ولما ال بعدنا يشوفونا بنتصرف كدة اكيد هيمشوا ورانا " مش عشان يعاكسونا بس لكن عشان يقلدونا برضه "

مش هطول عليكم
موضوعى اليوم هو الشارع المصري
الشارع المصري الذي نمشي فيه كل يوم
نتعامل مع الماشيين والراكبين فيه كل يوم
بإرادتنا او رغما عنها
بنبصله احيانا بحب
ودايما ببصله بغضب واستياء
ونتمنى ان يكون افضل
في كل الجوانب " ينضف بقى يعنى "

والموضوع لمناقشة مشاكل الشارع المصري
اسبابها وتاثيرها
وايضا نعمل اية ؟؟
حتي عشان علي الاقل منحسش بالتقصير
راجين من الله سبحانه وتعالي ان نرتقي بسلوكنا الي الافضل
ولو مش اتحسن الشارع نفسه
اكيد ساعتها هتتحسن نظرتنا له

وهنا هقدملكم شوية حاجات هنناقشها مع بعض بكل وضوح بس فى سرية تامة عشان الرقابة
ومحدش يفهمنى غلط فى السرية دى

هما :-
1- اللا مبالاة

2- نقص الجدعنة

3- الالفاظ الخارجة وعدم احترام اداب الطريق

4- المتسولون